Kulan wadajir ah ay maanta yeesheen Xildhibaanada labada aqal ee Baarlamaanka federaalka Soomaaliya ayaa xildhibaanada labada aqal loogu qeybiyay sharciga doorashooyinka heer federaal oo dhawaan diyaarintiisa lasoo gabo gabeeyay.
Sharcigan doorashooyinka ayaa horey waxaa usoo gudbisay Xukuumada Soomaaliya ,hasa ahaatee guddi Xildhibaano ah oo loo saaray ayaa dib u eegis iyo wax ka beel meelaha qaar ku sameeyay sharcigan doorashooyinka heerka federaal.
Kulanka wadajirka ah ay maanta yeesheen Xildhibaanada labada aqal ee Baarlamaanka federaalka waxaa soo xaadiray illaa 186 Xildhibaan iyo Senator, waxaana si wadajir ah kulanka u shir gudoominayay gudoonka labada aqal.
Xildhibaanada labada aqal ayaana sharciga doorashooyinka marka ay soo akhristaan kadib ka yeelan doona dood, waxaana xiligaas kadib la filayaa in Xildhibaanada labada aqal in ay sharcigaan meel mariyaan ama diidaan.
Xafiiska Shabakada Allbanaadir.com
Muqdisho Somalia
Allbanaadir@live.com
